Psa 114 | WSK | STEP | (Wur imi mu Kaem Isrel kariimet nunga saongam se Isip beteman arataman ko wur.) Tom Isrel kariimet Isip beteman, tom Jekop ko taleng girigir ali sor iwareng umu beteman mu te,

Psalms 114

Pasova ko wur bo

(Wur imi mu Kaem Isrel kariimet nunga saongam se Isip beteman arataman ko wur.)

1 Tom Isrel kariimet Isip beteman, tom Jekop ko taleng girigir ali sor iwareng umu beteman mu te,

2 Juda kariimet Kaem ko kariimet nunguning arataman,

Isrel kariimet alo mu Kaem ko kariimet nunguning ko aratugilingiman.

3 Tom mu te Gagi Gueyam nungarkam ale tagaram naguram,

se Yu Jodan kapawaram mu pila sanamaram.

4 Se duruk bibiya mu belelek iwita tinga nama taikasan,

se duruk mutingir gotektek mu sipsip gotektek iwita tingagilingikasan.

5 Se ni Gagi Gueyam, ni awuk se nagurem?

Se Yu Jodan, ni awuk se kapawerem mu pila sanamerem?

6 Se nina duruk bibiya, awuk se belelek iwita tinga nama taikasan?

Se duruk mutingir gotektek, nina awuk se sipsip gotektek iwita tingagilingikasan?

7 O ali, Kari Biya taiso, koma te uririkirko!

Jekop ko Kaem taiwoso, koma te uririkirko!

8 Nu balam se manga garap ningi yu aratam,

manga garap aora garagar bare ningi yu arataman.